Eksperienca · Retreat

Kthehu
te vetja.

Retreat nuk është pushim nga jeta. Është kthim te vetja — me qëllim, me kohë dhe me vendin e duhur.

Si lindi gjithçka

India ishte fillimi.
Dhe kthimi.

India kishte qenë në mendjen time prej vitesh, që nga Eat, Pray, Love e më pas nga biografia e Steve Jobs. Ishte një periudhë kur ndieja se rruga që po ndiqja nuk ishte plotësisht e imja. Me kohën kuptova se pengesat nuk kishin qenë dështime, por sinjale — dhe se gabimi më i madh është t'i anashkalojmë ato.

Udhëtimi im i parë drejt Indisë ma konfirmoi këtë ndjesi. Disa ditë në një Ashram — heshtja, ritmi, prania e plotë — mjaftuan që shumë gjëra të merrnin formë. Aty kuptova se ajo që na nevojitet gjithnjë e më shumë është të kthehemi te vetja.

Të shohësh një vend të ri nuk mjafton. Një udhëtim bëhet vërtet i rëndësishëm kur, diku gjatë tij, gjen edhe copëza të vetes. Kur nuk të çon vetëm më larg në hartë, por më pranë asaj që je.

Dy vite më vonë u ktheva në Indi si e ftuar në GITB dhe qëndrova në Raga Svara, një nga qendrat retreat që më ka lënë gjurmën më të fortë. Ayurveda, programet e personalizuara dhe kujdesi i menduar deri në detaj më bindën për diçka: retreat nuk është luks për disa. Është një nevojë që, në forma të ndryshme, e kemi të gjithë.

India është për mua çatia shpirtërore e botës dhe tashmë edhe një pjesë e imja. Do të doja të bëhej pjesë e historisë së çdo udhëtari që nuk kërkon vetëm një destinacion, por një rrugë për t'u kthyer më pranë vetes.

Atmosferë ashrami në Indi — meditim dhe natyrë

Çfarë është retreat

"Kur ngadalëson ritmin, fillon të dëgjosh atë që përditshmëria mbulon."

Retreat është një udhëtim me qëllim. Një hapësirë ku ritmi ngadalësohet, trupi dëgjohet dhe mendja qartësohet. Jo itinerare të mbushura, por kohë e zgjedhur për t'u rigjeneruar, reflektuar dhe rikthyer në ekuilibër.

Mund ta jetosh vetëm, në çift, me miq apo në grup. Çdo retreat ndërtohet rreth teje — asaj që ndien, asaj që të mungon dhe asaj që ke nevojë të gjesh.

Si e ndërtojmë

Jo qendra më e mirë.
Qendra e duhur
për ty.

Kemi kontrata dhe bashkëpunime me qendra retreat në mbarë botën — të përzgjedhura sipas kategorive dhe buxheteve të ndryshme. Nuk është çështja të gjesh ku janë qendrat më të mira. Çështja është të dish cila është e duhura për ty.

Biseda fillestare

Kuptojmë gjendjen tënde, nevojat dhe çfarë kërkon të gjesh — jo destinacionin, por qëllimin.

Kurojmë opsionet

Nga rrjeti ynë global, zgjedhim qendrat retreat që përshtaten me karakterin, buxhetin dhe kohën tënde.

Informacion i plotë

Para se të nisesh, ke gjithçka — programin, metodologjinë, çfarë të presësh. Nuk nisesh me pasiguri.

Rezervim i sigurt

Ne menaxhojmë çdo detaj — nga rezervimi tek konfirmimi. Ti përgatitesh, ne kujdesemi për pjesën tjetër.

Prezencë gjatë gjithë kohës

Para, gjatë dhe pas udhëtimit — jemi këtu. Eksperienca jote është suksesi ynë.

"E gjithë eksperienca ime e kthen në sukses real udhëtimin e secilit drejt retreat."

— Laura Ferati

Na kontakto

Për kë është

Retreat është
për të gjithë.

Solo

Vetëm ti. Koha dhe hapësira vetëm për ty.

Çift

Kohë cilësore me partnerin — pa zhurmë, pa shpërqendrime.

Grup shoqëror

Me miqtë — eksperiencë e përbashkët që lidh.

Familje

Momente të vërteta së bashku — pa rutinë.

Çfarë thonë

Fjalët e tyre
tregojnë më shumë
se çdo gjë tjetër.

Six Senses · Himalaje

"Six Senses në mes të Himalajeve ishte udhëtimi më i bukur i jetës sonë në çift. Rigjetëm veten dhe njëri-tjetrin."

— A.M.

Retreat · Peru

"Kurrë nuk do ta kishim realizuar udhëtimin tonë drejt Perusë pa suportin tuaj. E kemi jetuar retreatin tonë në nivelin më të lartë energjetik dhe shpirtëror."

— D.B.

Retreat · Bali

"Bali është ishulli i dashurisë, por kurrë nuk e kisha menduar që aty do të dashurohesha me veten. Udhëtimi më i bukur — vetëm i imi."

— E.K.

Osho Center · Pune, Indi

"Retreat ia doli të ma bëjë të mundur udhëtimin tim shpirtëror në Osho Center Pune. Gjithë lehtësirat tuaja bënë që fokusi im të ishte vetëm puna me veten."

— E.F.

Momente nga retreatet e mia

OSHO International Meditation Resort, Pune — Indi

Meditim me qiri në sallën me shkrim sanskritisht

Sallë meditimi me gong dhe enë këngëtare

"Netë pa gjumë duke ëndërruar, punuar e projektuar. Mijëra kilometra për t'i kthyer ëndrrat në përvoja. Kam jetuar mbi 50 destinacione dhe sot di saktësisht ku të të çoj edhe ty. Jo thjesht për të ndryshuar vendin ku ndodhesh, por gjendjen në të cilën je. Sepse udhëtimi i vërtetë nuk të çon vetëm diku tjetër. Të çon më pranë vetes."

— Laura Ferati, Retreat Travel Group

Fillo retreat-in tënd